(રચના : જીગરદાન ગઢવી “જીગરા” )
માં મોગલ તારો આશરો…
માં મોગલ તારો આશરો…
મુઠ્ઠીભર બાજરો ‘ને ભર્યો પાણીયારો દેજે,
આંગણિયે પારણા ઝુલાવજે…
દીવાની દિવેટને ઘી થી પલાળજે ‘ને
નેહડા રૂડાં દીપાવજે…
તારા ચારણોની ચડતી રાખજે ‘ને
આયલ ભણજેને મીઠો હોંકારો… !
માં મોગલ તારો આશરો…
એક હાથે ત્રિશૂળ તારા! એક હાથે મમતા!
બેફિકર છોરુડા રમતાં, તારા બેફિકર છોરુડા રમતાં!
ભુલીયે તને જો માં, તું ના ભૂલતી!
રાખજે તને ગમતાં! હે માઁ, રાખજે તને ગમતાં!
રખે તેડવાને આવે યમ કો’ક દિ જોને કો’ક દિ,
મોગલ નામ લેતાં જાય જીવ મારો!!
માં મોગલ તારો આશરો…