મારુ આયખું ખૂટે જે ઘડીયે,
ત્યારે મારા હૃદયમાં પધારજો
છે અરજી તમોને બસ એટલી,
મારા મૃત્યુને શ્રીજી સુધારજો
મારુ આયખું…
જીવન નો ના કોઈ ભરોશો,
દોડા દોડીના આ યુગમાં (૨ વાર)
અંતરીયાળે જઈને પડું જો,
ઓચિંતા મૃત્યુના મુખમાં
ત્યારે સાચા સ્વજન બની આવજો,
થોડા શબ્દો ધર્મના સુણાવજો
છે અરજી તમોને…
જીવવું થોડું ને જંજાળ ઝાઝી,
એવી સ્થિતિ છે આ સંસારની (૨ વાર)
છૂટવા દે ના મરતી વેળાએ,
ચિંતા મને જો પરિવારની
ત્યારે દીવો તમે પ્રગટાવજો,
મારા મોહથી મીડ ને હટાવજો
છે અરજી તમોને……
દર્દો વધ્યા છે, આ દુનિયામાં,
મારે રિબાવી રીબાવીને (૨ વાર)
એવી બીમારી જો મુજને સતાવે,
છેલ્લી પળોમાં, રડાવીને
ત્યારે મારી મદદમાં પધારજો,
પીડા સહેવાની શક્તિ વધારજો
છે અરજી તમોને….