(રચના : વિનોદ માણેક ‘ચાતક’)

કટારી કાળજે વાગી, તમારી યાદ આવે છે
રહું છું, રાતભર જાગી, તમારી યાદ આવે છે

દિવસ તસ્વીર જોઉં, રાતભર આવો તમે સપને,
મને લગની જ છે લાગી, તમારી યાદ આવે છે

ઉઘાડી ચાંચ ને રાખી , પીવા વરસાદ ને ચાતક,
મિટાવો પ્યાસ છે લાગી, તમારી યાદ આવે છે

વિરહની વાત છે વસમી, મજાર મેળાપની કેવી
શરમના દ્વાર દો ત્યાગી, તમારી યાદ આવે છે

શરાબી છે નજર સંગે, ગુલાબી છે અસર અંગે
જવાની જાય જો ભાગી, તમારી યાદ આવે છે